ഫ്ലാഷ്

ഐ ഇ ഡി സി കുട്ടികള്‍ക്കുള്ള പഠനയാത്ര വിവിധ ബി ആര്‍ സി കളില്‍

Tuesday, 19 June 2018

ജില്ലാ ഹരിതോത്സവം മുണ്ടേരി ഗവ. ഹയര് സെക്കണ്ടറി സ്കൂളില് നടന്നു

ഹരിതോത്സവം 2018 എന്ന പേരില്‍ സംസ്ഥാനത്തെ വിദ്യാലയങ്ങളില്‍ സംഘടിപ്പിക്കുന്ന ബോധവല്ക്കരണ പരിപാടിയുടെ ജില്ലാതല ഉദ്ഘാടനം ജൂണ് 5 ന് മുണ്ടേരി ഗവ. ഹയര്‍ സെക്കണ്ടിറി സ്കൂളില്‍ രാജ്യസഭാഗം ശ്രീ. കെ.കെ. രാഗേഷ് എം. പി നിര്‍വ്വഹിച്ചു. പൊതുവിദ്യാലയങ്ങളെ ജൈവവൈവിധ്യ ഉദ്യാനങ്ങളാക്കി പരിവര്‍ത്തിപ്പിക്കുക, ഹരിതാവബോധം വിദ്യാലയങ്ങളിലൂടെ സമൂഹത്തിലേക്ക് പ്രസരിപ്പിക്കുക എന്നീ ലക്ഷ്യങ്ങല്‍ള്‍ മുന്നിര്‍ത്തി പൊതുവിദ്യാഭ്യാസ വകുപ്പും സമഗ്രശിക്ഷാ അഭിയാനും ഹരിതകേരള മിഷനും സംയുക്തമായാണ് പരിപാടി സംഘടിപ്പിച്ചത്. മുണ്ടേരി ഗ്രാമപഞ്ചായത്ത് പ്രസിഡണ്ട് ശ്രീ. എ. പങ്കജാക്ഷന്‍ അധ്യക്ഷത വഹിച്ചു. വിദ്യാഭ്യാസ ഉപഡയറക്ടര്‍ ശ്രീമതി. സി.ഐ. വത്സല സ്വാഗതവും ശ്രീ. പി. പ്രദീപ്( എച്ച് എം) നന്ദിയും പറഞ്ഞു.

ഹലോ ഇംഗ്ലീഷ്

ഇംഗ്ലീഷ് ഭാഷാ പഠനത്തിന് വിദ്യാലയങ്ങളില്‍ പ്രത്യേക പരിപാടി
ഇംഗ്ലീഷ് ഭാഷാശേഷി വര്‍'ദ്ധിപ്പിക്കുന്നതിന് ജില്ലയിലെ മുഴുവന്‍ പ്രൈമറി വിദ്യാലയങ്ങളിലും സര്‍വ്വശിക്ഷാ അഭിയാന്‍ പ്രത്യേക പരിപാടി ആവിഷ്ക്കരിക്കുന്നു. ഹലോ ഇംഗ്ലീഷ്  - തുടര്‍ പരിപാടിയിലൂടെ ഒരു മാസത്തിനുള്ളില്‍ ഇംഗ്ലീഷ് ഭാഷയില്‍ ശ്രവണം, ഭാഷണം, ലേഖനം, വായന എന്നീ  മേഖലയില്‍  മികവ് നേടുകയാണ് ലക്ഷ്യം. ആദ്യപടിയായി മുഴുവന്‍ വിദ്യാലയങ്ങളിലും 2 മണിക്കൂര്‍ വീതമുള്ള 5 ലഘു ശില്പശാലകളിലൂടെ കുട്ടികളുടെ പഠന നിലവാരം മനസിലാക്കും. ജൂണ് മൂന്നാം വാരം ക്ലാസ് പി ടി എ വിളിച്ച് ചേര്‍ത്ത് കുട്ടിയുടെ നിലവാരം ചര്‍ച്ച ചെയ്യും. തുടര്‍ന്നുള്ള ദിവസങ്ങളില്‍ ടെക്സ്റ്റ് ബുക്ക് പ്രവര്‍ത്തനങ്ങള്‍ ഹലോ ഇംഗ്ലീഷ് പഠനരീതിയുമായി ബന്ധപ്പെടുത്തും. ഹലോ ഇംഗ്ലീഷ് ടീച്ചേര്‍സ് ജേര്‍ണല്‍ എന്ന കൈപ്പുസ്തകം  മുഴുവന്‍ വിദ്യാലയങ്ങളിലും നല്കും. ജൂലായ് അവസാനം വീണ്ടും വിളിച്ച് ചേര്‍ക്കുന്ന ക്ലാസ് പി ടി എ യില്‍ കുട്ടികളുടെ പഠനത്തെളിവുകള്‍ അവതരിപ്പിക്കും.

പ്രവേശനോത്സവം 2018-19

പ്രവേശനോത്സവം ജില്ലാതല ഉദ്ഘാടനം ആവേശകരമായി
മന്ത്രി ശ്രീ. കടന്നപ്പള്ളി രാമചന്ദ്രന്‍ ക്വിസ്മാസ്റ്ററായി . ലോകകപ്പ് ആരവം ഉയരുന്ന വേളയില്‍ ഏറ്റവും കൂടുതല്‍ ലോകകപ്പ് നേടിയ രാജ്യം എതെന്നായിരുന്നു മന്ത്രിയുടെ ചോദ്യം. കുഞ്ഞിമംഗലം എന്ന കാല്‍പന്തിന്‍റെ നാട്ടിലെ കുട്ടികള്‍ക്ക് ഉത്തരം പറയാന്‍ ആവേശമായി. ആദ്യം കൈയുയര്‍ത്തി ബ്രസീല്‍ എന്ന് പറഞ്ഞ റാഷിയെ മന്ത്രി വേദിയിലേക്ക് ക്ഷണിച്ചു. പ്രശസ്ത ഫുട്ബോള്‍ താരം സി.കെ. വിനീത് റാഷിക്ക് സമ്മാനമായി ഫുട്ബോള്‍ നല്‍കി
കുഞ്ഞിമംഗലം ഗവ. സെന്‍ട്രല്‍ യു പി സ്കൂളില്‍ നടന്ന ജില്ലാതല പ്രവേശനോത്സവ ഉദ്ഘാടന വേദിയിലായിരുന്നു  മന്ത്രിയുടെ ക്വിസ് മത്സരം. ടി.വി. രാജേഷ് എം എല്‍ എ യുടെ അധ്യക്ഷതയില്‍ മന്ത്രി കടന്നപ്പള്ളി രാമചന്ദ്രന്‍ പ്രവേശനോത്സവം ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡണ്ട് കെ.വി. സുമേഷ്  കുട്ടികല്‍ക്ക് പ്രവേശനോത്സവ സന്ദേശം നല്കി. വിദ്യാഭ്യാസ ഉപഡയറക്ടര്‍ ശ്രീമതി. സി. ഐ വത്സല സ്വാഗതവും എന്‍ . സുബ്രഹ്മണ്യന്‍( ഹെഡ്മാസ്റ്റര്‍) നന്ദിയും പറഞ്ഞു.


Friday, 27 April 2018

എസ് എസ് എ കണ്ണൂര്‍ ജില്ലാ പ്രോജക്ട് ഓഫീസര്‍ ഡോ. പി.വി. പുരുഷോത്തമന്‍ മാസ്റ്റര്‍ക്ക് യാത്രയയപ്പ് നല്‍കുന്നു..


സര്‍വശിക്ഷാ അഭിയാന്‍റെ ആഭിമുഖ്യത്തില്‍ ഡേ.പി.വി. പുരുഷോത്തമന്‍ മാസ്റ്റര്‍ക്ക് ഔപചാരികമായ യാത്രയയപ്പ് നല്‍കുന്നു. ഏപ്രില്‍ 28 ന് രാവിലെ ജില്ലാ പ്ലാനിങ്ങ് ഓഫീസ് കോണ്ഫറന്‍സ് ഹാളില്‍ നടക്കുന്ന വിദ്യാഭ്യാസ സെമിനാര്‍ ജില്ലാ പഞ്ചായത്ത് പ്രസിഡണ്ട് കെ.വി. സുമേഷ് ഉദ്ഘാടനം ചെയ്യും. ആരോഗ്യവിദ്യാഭ്യാസ സ്റ്റാന്റിങ്ങ് കമ്മിറ്റി ചെയര്‍മാന്‍ കെ. പി. ജയബാലന്‍ അധ്യക്ഷത വഹിക്കും.  ഉച്ചക്ക് ശേഷം നടക്കുന്ന യാത്രയയപ്പ് സമ്മേളനം പി.കെ. ശ്രീമതി ടീച്ചര്‍ എം. പി ഉദ്ഘാടനം ചെയ്യും. എസ് എസ് എ സ്റ്റേറ്റ് പ്രോജക്ട് ഡയറക്ടര്‍ ഡോ. എ. പി. കുട്ടികൃഷ്ണന്‍ അധ്യക്ഷത വഹിക്കുന്ന ചടങ്ങില്‍ ജില്ലാ കലക്ടര്‍ മിര്‍ മുഹമ്മദ് അലി വിശിഷ്ടാതിഥിയാകും . ജില്ലാ പഞ്ചായത്ത് വൈസ് പ്രസിഡണ്ട് പി.പി. ദിവ്യ തുടങ്ങി നിരവധി പേര്‍ ആശംസകള്‍ നേര്‍ന്ന് സംസാരിക്കും. 

 

അവധിക്കാല അധ്യാപക പരിശീലനത്തിന് തുടക്കമായി ..


             ''കൂടുതല്‍ മികവിലേക്ക് ഓരോ വിദ്യാലയവും ഓരോ ക്ലാസും ഓരോ കുട്ടിയും'' എന്ന ആശയത്തോടെ ഈ വര്‍ഷത്തെ അധ്യാപക പരിശീലനം  ജില്ലയിലെ വിവിധ കേന്ദ്രങ്ങളില്‍  ഏപ്രില്‍ 25 മുതല്‍ ആരംഭിച്ചു.  പ്രൈമറി സ്കൂള്‍ അധ്യാപകര്‍ക്ക് 8 ദിവസത്തെ പരിശീലനമാണ്  ഇത്തവണ ലഭിക്കുക. ഗണിതം, പരിസരപഠനം, ഭാഷ എന്നീ വിഷയങ്ങളോടൊപ്പം അക്കാദമിക മാസ്റ്റര്‍ പ്ലാനിന്‍റെ പ്രയോഗം, ഭിന്നശിഷിക്കാരുടെ വിദ്യാഭ്യാസം , ഹരിതോത്സവം, ജൈവവൈവിധ്യ ഉദ്യാനം തുടങ്ങിയ പൊതുവിഷയങ്ങളിലുമാണ് പരിശീലനം . 2018-19 അധ്യയന വര്‍ഷം എല്‍ പി / യു പി ക്ലാസുകളില്‍ ഇംഗ്ലീഷ് ഭാഷക്ക് മുമ്പത്തേക്കാള്‍ പ്രാധാന്യം നല്‍കിയിട്ടുണ്ട്. ഇഗ്ലീഷ് പഠിപ്പിക്കാന്‍ സന്നദ്ധരായ അധ്യാപകര്‍ക്ക്  ഹലോ ഇംഗ്ലീഷ് 8 ദിവസത്തെ പരിശലനം നല്‍കും. ഗണിതത്തില്‍ പിന്നാക്കാവസ്ഥ മറികടക്കാനും  പഠനം രസകരമാക്കുന്നതിനും നിരവധി പഠനോപകരണങ്ങളുടെ നിര്‍മ്മാണവും  പ്രയോഗവും ഇത്തവണത്തെ പരിശീലനത്തിന്‍റെ പ്രത്യേകതയാണ്.  ശാസ്ത്രവിഷയത്തില്‍ കുട്ടികള്‍ക്ക് സ്വയം പരീക്ഷണങ്ങളിലേര്‍പ്പെടാനുള്ള നിരവധി ഉപകരണങ്ങളുടെ നിര്‍മ്മാണവും പരിശീലനത്തില്‍ നടക്കും. അറബി, ഉറുദു, സംസ്കൃതം  എന്നീ ഭാഷകളിലും എട്ടു ദിവസത്തെ പരിശീനം നല്‍കും. പരിശീലന കേന്ദ്രങ്ങളില്‍ ഹരിത പ്രോട്ടോക്കോള്‍ ബാധകമാക്കും. പൊതുവിദ്യാഭ്യാസ വകുപ്പിന്‍റെയും, സര്‍വ്വശിക്ഷാ അഭിയാന്‍റെയും ഡയറ്റിന്‍റെയും സംയുക്താഭിമുഖ്യത്തില്‍ നടത്തുന്ന പരിശീലനത്തിന്‍റെ ജില്ലാ തല ഉദ്ഘാടനം ഏപ്രില്‍ 25 ന് ചാല ഗവ. ഹയര്‍സെക്കണ്ടറി സ്കൂളില്‍  വിദ്യാഭ്യാസ സ്റ്റാന്റിങ്ങ് കമ്മിറ്റി ചെയര്‍മാന്‍ കെ.പി. ജയബാലന്‍ മാസ്റ്ററുടെ അധ്യക്ഷതയില്‍ ജില്ലാ പഞ്ചായത്ത് പ്രസിഡണ്ട് കെ.വി. സുമേഷ് ഉദ്ഘാടനം ചെയ്തു.  ചടങ്ങില്‍ വിദ്യാഭ്യാസ ഉപഡയറക്ടര്‍ സി ഐ വത്സല, ഡയറ്റ് പ്രിന്‍സിപ്പല്‍ ഇന്‍ചാര്‍ജ്ജ് പി.യു. രമേശന്‍, ജില്ലാ പ്രോജക്ട് ഓഫീസര്‍ ഡോ.പി.വി. പുരുഷോത്തമന്‍ എന്നിവര്‍ പങ്കെടുത്തു.