അവിസ്മരണീയം ജില്ലാതല പ്രവേശനം

കണ്ണൂർ ജില്ലാതല പ്രവേശനോത്സവം പലതുകൊണ്ടും അവിസ്മരണീയമായി. കൈതപ്രം ആയിരുന്നു ഉദ്ഘാടകൻ. മുൻ ഇന്ത്യൻ ഫുട്ബോൾ ക്യാപ്റ്റൻ കെ.വി ധനേഷ് മുഖ്യാതിഥിയായി. ബാലതാരം ബേബി നിരഞ്ചന കുരുന്നുകളെ സ്വീകരിച്ചു. ഓരോ കുട്ടിയെയും സ്റ്റേജിൽ ഇരുത്തുമ്പോൾ അവരുടെ വീട്ടിൽ ചെന്ന് നേരത്തെ ചിത്രീകരിച്ച ദൃശ്യങ്ങൾ ബിഗ് സ്ക്രീനിൽ തെളിഞ്ഞു. 97) 0 വയസ്സിൽ സ്വന്തം വിദ്യാലയം പൊതു സമൂഹത്തിന് കൈമാറിയ അധ്യാപക ശ്രേഷ്ഠൻ പറാമ്പള്ളി കൃഷ്ണവാരിയരുടെ സാന്നിധ്യം ചടങ്ങിന് ധന്യത നൽകി. ജെയിംസ് മാത്യം എം.എൽ.എ. പ്രവേശനോത്സവ  സന്ദേശം നല്‍കി. ഒരു മാസം കൊണ്ട് ജനകീയ കമ്മിറ്റി സ്കൂളിനെ അക്ഷരാർഥത്തിൽ പുതുക്കി ആകർഷകമാക്കിയിരുന്നു. 12 ജനകീയ കലാകാരന്മാർ സ്കൂൾ മതിൽ കൂട്ടച്ചിത്ര രചനയിലൂടെ ആകർഷകമാക്കിയിരുന്നു. കൂറ്റൻ ജലസംഭരണി ഒരുങ്ങുന്നു. ജൈവ കൃഷി, മാലിന്യ സംസ്കരണം എന്നിവ ആരംഭിച്ചു . സ്കൂൾ പുതുക്കാൻ കഴിഞ്ഞ രണ്ടാഴ്ചയായി അക്ഷീണം പ്രവർത്തിച്ച കുടുംബശ്രീകളെയും ചടങ്ങിൽ ആദരിച്ചു.